ابصراحة ما اميزك كمت خل لو
عدو لو كلبك امن الرحم خلوه
انوليت وشافني ما صاح خلوه
الامس وانا اعلموده اطيت اديه
انفطر كلب امهات الون لوناي
لهى بنفسي امن جيت اعزف لوه الناي
حيل استحق واستاهل لوناي
فطن ما شيدتلك عرش بيه
من شافك جفن عيني شخص ما
طبك شيفض جدل حبك شخص ما
اعله جلدك كمت اشم ريحة شخص ما
لذالك هل تشم عطاب بيه
وحك الي افجعونه بطبر هاما
بيادر كلبي من يدواك هاما
اسلهم ما اسلهم نمت ها ما
نمت وجفاك سور ونفخ بيه
انا الما طرق بابه الفرح لا يا
سوه بعيني الدمع فركاك لا يا
خدر لمعثراتك جنت لا يا
عديم الذات ليش اكصيت بيه
اشسمع منه عدا الما اريد ولاه
اشلكه بيه وعليه الكلب ولاه
مصخم يوم شفتك بيه ولاه
تبارك يوم جدمك عثر بيه
اطبقن يا جفوفي اعليه فصمن
اتاجن من اديه للظهر فصمن
هله بفيار روحي الشال فص من
عيني وطحن طبكه ظلوع بيه
اما يكفيك جرحه تريد عدماه
دليلي وأمنتني ثلج عد ماه
تصدك شفت ملج الموت عد ما
رحت واضحت جهنم بيت اليه
انا الموصوف شايل عقل يوزين
بلد واقره البكلبة شين يو زين
كل هذا وبعد محتاج يوزين
عقول تشيل ضيم جفاك اليه
موضوع: رد: ابوذيات روووووووووووووووووووووووووووووعه وربي 
الثلاثاء يناير 11, 2011 1:48 am
