منتديات العهد كوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات العهد كوم

::: إعلانات الموقع ::: منتدى اسلامي ثقافي اجتماعي شبابي رياضي ::: إعلانات الموقع :::
 
الرئيسيةالبوابةأحدث الصورالتسجيلدخولتسجيل دخول الاعضاءمنتديات العهد نت

 

 الشاعرعدي جليل العكيلي و مجموعة من الشعراء رائعين

اذهب الى الأسفل 
كاتب الموضوعرسالة
Admin
الاوسمة
Admin


عدد المساهمات : 181
تاريخ التسجيل : 16/08/2010
الموقع : [img]http://up.arab-x.com/Jan11/TR245853.gif[/img]

الشاعرعدي جليل العكيلي و مجموعة من الشعراء رائعين Empty
مُساهمةموضوع: الشاعرعدي جليل العكيلي و مجموعة من الشعراء رائعين   الشاعرعدي جليل العكيلي و مجموعة من الشعراء رائعين I_icon_minitimeالثلاثاء فبراير 08, 2011 3:14 am

ابوذيات + ومضات للشعراء مبدعيـــــــــن


السلام عليكم مجموعة من الاشعار لشعراء رائعين


مرات الجبل يتمنى تل ايصير

حتى يشوف علوه ايعاين لروحــــــــه

ومرات الصخر يتمنى خلگ انسان

حتى يشوفياهو اليحمل اجروحــه

ومرات السيوف اتمل عشگ الرگاب

تريد أتصير هيه ارگابمذبوحـــه
-------------------------------------------------
من ظيم العلي ضليت ابيع هموم

واسعار الهموم مسجلــة بخــدي

الرايد حـزن ياخــذ حــزن ويــروح

والرايد فــرح يعــذرني ماعنــدي

-----------------------------------------
يوميه الصبح اسمع خبرموزين

ويوميه العصر اسمع فجيعه

عراق وكلك اسود حتى الاخبار

الابيض بيك بس وجه المذيعه
-----------------------------------

خلصت لا عتـــــــب لا جلـمة إوداع
لا بلجي إنـتلاكة بـيـوم بـعـــديـــــن00
خلـصت والأمـانـي إتطشرت بالريح
ومابـين الأريــدك والعكس سـديــن00
لا دربـــك مثـــل دربي وأمــر بــيك
ولا بــينا المـحنـة الــتجمع الضديـن00
شـريـتك بالغــــلا وملّـكتك الــروح
تـاليــهة إطلـعت بايـعنـي بالــــدين00
إذا مــا جنـــنـك يتـرك أثـــــر بيــك
العشك سيف ويمس وذات حديـــن00
خـلـصـت لاأسف لا ذكـــرى لاشوك
و لا دمعة ندامـة تلامـس الخـديـــن00

***************

قــامــوســي حــركته وكـــل الأشـــعار
أخـــاف بيـوم أكلـــبة وأقـــــرة إسمــــــــــك000
وشــكــكــت الرســـــايل والتصـــاويــــــــر
لأن مــاريـــد ألــمــــح بيــــها رسمــك000

****************

بيــــه ذلـــة أرفضه ومــا أقبلة بيـــوم
ولـو كصر غطــاي ولـيـلـنا إطـــويـــل*

الغربـــيل ما يحجب شمــس هيهـــات
الشــمس آنــة بطباعي وأنت غربــيل*

والزنـجيل بيدي وبــيدك الـمفتـــــــاح
ولا كتـــلـك مروتــك إفتـح الزنـجيـــل*

أكــص إلــساني بيــدي وأبتر الايــــد
وأكــص حتـى الــكلب لو فــــــكر يميل*

ماتلــكه بكــلامي أحــــكام فرعــــــون
ولا لـهـجـة ضعـف بيـها الــتواســيــل*

أحب طبعاً أحب بس ما أطــــــخ راس
ولـــو بآخـــر نفــس ما أكـلك إدخيــــل*

مجانك طاغي وحتل كل جاني
كمت احسد الشامت كل بجاني للشاعر رائد ابو فتيان
عانكتك وشعرك كل بجاني
نوجد عذري بعد شيفك اديه



العمر ياصاح من هجرك تمرمر
بدليلي سهام شماتي تمرمر للشاعر رائد ابو فتيان
أنشدك هم كبل ضايك تمر مر
التمر مر بغيابك مر عليه




ماظل كل عظم صاحي دهدهن
تجرجر بالمصايب شو دهدهن منقول
ولك دمعات البعينك دهدهن
عليمن حابس دموعك خطيه




غيابك خلل اعضامي وهدهن
وجر حسرات ببعادك وهدهن منقول
الي دمعات لو أبجي وهدهن
تفيض اليابسه ونغرك سويه




مثل ماي شيكضك وانت جاري
وبس ماشي اليودك وانت جاري منقول
تعذبني بمحبتك وانت جاري
واظن رب العرش وصاك بيه




وحق أية تبارك وأنتنازل
وحق مصة أشفافك أنت نازل منقول
اذا بغداد دارك وانت نازل
أسويلك سحر وترد اليه




حزن دنياي تمطر ماصحتلي
وردت فرصه اشوفك ماصحتلي منقول
وكفت اكبال عينك ماصحتلي
صحتلك مادرت وجهك عليه





سوالف راحن ابالي وجن حين
وحيل اتسودن بحبك وجن حين للشاعر ميثم فالح
كلب طير ارتجي من الله وجن حين
اطيرن ليك بيهن كل مسيه




رفعت اعلام حبنه فالسرايه
وهزمت جيوش خوفي فالسرايه للشاعر عدي العكيلي
قره القرأن كلبي فسر أيه
ولكاك تجوز دنيه ودين بيه




ينادر تكتل بطبعك وندراك
ويمته الطيبتك نوصل وندراك منقول
أخو للكلفه اعرفنك وندراك
ذخر للدنيه من اتميل بيه




هواء انت بغيابك قل هوه الله
أحبك كلمه حلوه قله والله للشاعر نبراس الساعدي
اذا لم تقل أقرا قل هوه الله
مع الحمد لكي انهي القضيه




حرت ين الاتاني ماتاني
ومو ميه الشماته ماتاني للشاعرعبد الحسين الحلفي
اتاني والاريده ماتاني
اجه المارايده وغف عليه




رمش عيني اعله دربك شفته كالناس
وانه بلا ناس شفتك شفته كالناس للشاعر نبراس الساعدي
احذر لون است شفتك الناس
اليموت بركبتك تبقه الخطيه




دمع وحزان حبك هيج أذاني
والك مجبور اكضلك هيج أذاني للشاعر عبد الحسين الحلفي
تدري انه من اصلي هيج أذاني
أشهد ان حبك مو بديه




عجب تنكر اطلبك وانه دينك
تعال اوكف اكبالي وانه دينك منقول
اذا حبي اللهاك وانه دينك
تشرك بس تح واحد عليه




أصيله الروح تنشد من خيالي
وافز مرات اخافن من خيالي منقول
شكثر حاولت احذفك من خيالي
خيالي انحذف وانت الهسه بيه




ماشفتك لجن ذني كفن بيك
رسم بالنحت الوجهك كفن بيك للشاعر علي نجم
بياضك هذا لو كلي كفن بيك
أحس اثنينهن تاهن عليه




نحب شخصك اذا مريت ونجل
وعلينه شهود الك توراة ونجل للشاعر سعود الخفاجي
جذب ماون عليك الكلب ونجل
وتيتم جيل من فركاك اليه




عضامي من برود البك صليت
وعلى راسي نار الغطه صليت للشاعر عداي السلطاني
درت وجهك عليه وكمت صليت
يحسنك تيهه القبله عليه







(الومضات)



حاولت أرسمله صوره بكل مكان

وبيدي هاي انه ارسمت هل الصوره
يضحك بوجه اليشوفه ومن اجيه للشاعر سعود الخفاجي
يهز اديه وعني وجهه يدوره





خاويت النفس جي ماحمل اه
وماون وفضحني ويه المأسي للشاعر علي ال جعفر
كبل صاحبت راسي كلت ارتاح
طلع راسي جذب نايم براسي





عفتك الشمس حتى اسمر تصير
وعيون العواذل تكطع النظره
رديت ارد اشوفك من وصلت الكيت منقول
وجهك ماتغير والشمس سمره





أدك باب كلبك صارلي هواي
تطلع شوفه ياهو شوفه شيريد منقول
اذا ابقه ادكن أكسر الباب
وعليك انه اطب اتريد متريد





كمت اغار هواي من عندي عليك
واي جزء بيه عليك يعاني
ولأن يحجي هواي وياك اللسان للشاعر عبد الحسن الحلفي
كمت اسولفلك بدون الساني





شيجيبك يباجر والتقي وياك
وشيلنك كلب مابين الضلوع للشاعر سعود الخفاجي
واذا باجر اجه وماجابك وياه
اكض باجر وشيلنه من الاسبوع





شفناك وسكرنه بهاي شتكول
على هذا الامر نتحاسب هناك للشاعر حامد الشمري
الله يساعد الصيام عالصوم
مفاطير وفطرنه بيوم شفناك





باجرمن تجي مو من وره الباب
وشكلك هم تجي وتحسبه جيه منقول
اريدك من تجي تلزك على الباب
والاثوب لو تجي وتلزك عليه





عليك الكل ثابت قفل مقفول
اموت وما ادور عن بديلك للشاعر عبد الحسين الحلفي
ماحب الصلاه بس كمت صليت
أصلي الخاطرك حتى اندعيلك





كوم صلي وأذكر الله بالصلاة
بلكت يلتفتلك لو كمت ربك
الله شيلتفت وأنت العصر مريت منقول
خليت الضحايه مجطله بدربك





احنه مانطلب بعد منك تعود
وابد مانطلب بعد منك تحن
رايدين اترد كلبنه المات بيك منقول
حتى يمنه احنه بكرامه يندفن





صاير يوديك ويجيبك كلام
تريد تخسرلك وفي ماين اديك للشاعر ميثاق الهلالي
احنه مابيناتنه بس السلام
انه حاجي وياك حتى احجي عليك





لايجي كولوله ماظل يهه حيل
خلصن دموعي وبجيت اسنيني للشاعر ميثاق الهلالي
جان يطلب وانه اكله بعيني هاي
بيعني هاي وحط اصبعه بعيني





عمر انه انتظرتك ليش ماجيت
جا يمته تجي وتشوف حالي للشاعر ساهر الماني
لحظه من الوكت ماكدر انساك
ردت انساك شو جيت اعله بالي





انه لو كتلك اجي معناهه اجيك
وانت مامره كلتلي وجيتني منقول
مره اذكر بالحلم كتلي تعال
واركض بنص الحلم خليتني





جمالك مو جمال مخبل الناس
وبس قاسو جمالك وي نبي يوسف للشاعر ساهر الماني
من شافك صفن ظل دايخ ومحتار
وظل يوسف يسولف وي نبي يوسف





اذا شمسين تطلع كارثه تصير
جمالك كلي هذا منين جبيته منقول
اتفق ويه الشمس لدوخ الناس
لو تطلع شمس لو تطلع انته





انت يل حسنك خيال من الخيال
وصعب ان توصل جمالك صوره للشاعر ساهر الماني
ردت ارسمك صوره في روعه جمال
وانه ارسمك طاحت الصبوره




يفر ينه الوكت فرت نواعير
ورغم اجفاك بس ظلينه ننطر للشاعر ساهر الماني
صبر ايوب يمكن مو صبر جان
ولو مر بصبرنه بلحظه يكفر


أخذ ليلك بعد من ليلي يفلان
مامحتاجك تزيد ظلامه للشاعر حامد الشمري
تعت الكرامه بعشرتي وياك
تجي وتروح ماظلت كرامه

------------------------

اتمنى ان تنال اعجابكم


المصدر: منتديات العهد كوم - من قسم الشعر الشعب
ي و الابداعا
ت الأدبيه

الشاعرعدي جليل العكيلي و مجموعة من الشعراء رائعين Khawa6erly9
الرجوع الى أعلى الصفحة اذهب الى الأسفل
http://mahdi.poeticforum.com
 
الشاعرعدي جليل العكيلي و مجموعة من الشعراء رائعين
الرجوع الى أعلى الصفحة 
صفحة 1 من اصل 1
 مواضيع مماثلة
-
» الشاعرعدي جليل العكيلي
» الشاعر عدي جليل العكيلي
» مجموعة من الشعراء من اروع ماكتب من الأبوذيات
» خليجي 20: حامل اللقب في مجموعة صعبة مع بطل اسيا والبحرين والامارات

صلاحيات هذا المنتدى:لاتستطيع الرد على المواضيع في هذا المنتدى
منتديات العهد كوم :: ::ღ● ♥ الاقــسام الادبــيــه ♥ ●ღ :: :: قسم الشعر الشعبي و الابداعات الأدبيه-
انتقل الى: